Heriotza
Jose Ignacio Berroeta hil da, 1990 eta 2003 artean BBK-ko presidente izandakoa
Agentziak | EITB Media
Bizkaiko antzinako aurrezki kutxa zuzendu zuen hamahiru urteetan, erakundeak hazkunde handia izan zuen.
Jose Ignacio Berroeta, artxiboko irudi batean. Argazkia: EITB Media
Jose Ignacio Berroeta bilbotarra hil da, 1990 eta 2003 artean BBK-ko presidente izandakoa, erakundea oraindik aurrezki kutxa zenean, Kutxabankeko iturriek EFE agentziari baieztatu diotenez.
Berroeta (Bilbo, 1939) Ekonomia Zientzietan lizentziaduna zen, eta, bete zituen beste kargu batzuen artean, Espainiako Aurrezki Kutxen Konfederazioko (CECA) presidenteordea izan zen birritan, 1992an eta 2002an.
1978an iritsi zen finantza sektorera, hamalau urtez industrian lan egin ondoren, lehenik General Electrica Españolan zuzendaritzako kide gisa eta ondoren Fabrelec-Westinghouse etxetresna elektrikoen konpainian.
1990eko maiatzaren 7an, Bilbao Bizkaia Kutxa (BBK) erakundearen presidente izendatu zuten, eta 2003an erretiroa hartu zuen arte zuzendu zuen.
Agintaldia igarota, Bizkaiko kutxa zaharrak arrakastaz burutu zuen bat egitea, hazkunde handia izan zuen eta hainbat enpresatan partaidetzak zituen industria zorroa sendotu zuen.