17 urteko mutil bat oso larri zauritu da Agurainen, ibilgailu batek harrapatuta

EITB Media

Publikatuta: 2023/11/23 19:11 (UTC+1) Azken eguneratzea: 2024/05/02 13:53 (UTC+2)

Ezbeharra 17:15 aldera gertatu da, adingabea Eginorantz bizikletan zihoala. Biktima Gasteizko Santiago Ospitalera eraman dute, anbulantzian.

17 urteko mutil bat oso larri zauritu da gaur arratsaldean Agurainen (Araba), A-3138 errepidean, ibilgailu batek harrapatuta, Ertzaintzako iturriek eitb.eus-i baieztatu diotenez.

Ezbeharra 17:15 aldera gertatu da, adingabea Eginorantz bizikletan zihoala ibilgailu batek harrapatu duenean.

Gasteizko Santiago Ospitalera eraman dute, anbulantzian, larri zaurituta.