Erasoa
Hil egin da koman zegoen Atarrabiako diskotekako atezaina
agentziak | eitb media
Epaileak espetxera bidali zuen akusatua aurreko asteartean, fidantza barik, hileketa saiakera delitua egotzita. Alabaina, heriotzaren ostean, hilketa delitua leporatuko diote.
Hil egin da koman zegoen Atarrabiako diskotekako atezaina, joan den azaroaren 26an eraso bat jasan ostean.
Azaroaren 26an, 05:00ak aldera, liskar bat izan zen Atarrabiako Totem aretoaren kanpoaldean, eta atezainak bitartekari lanak egin zituen, borroka geldiarazteko asmoz.
Dirudienez, une horretan, akusatuak "ukabilkada bat eman zion", eta, horren ondorioz, "lurrera erori zen, konorterik gabe, koman geratuta".
Lesioek "bizi-arrisku handia" eragiten zuten, eta larriagotu egin ziren hurrengo egunetan, Iruñeko instrukzioko 5. zenbakiko epaitegiko titularrak bere ebazpenean jaso zuenez. Ebazpen horretan, behin-behineko espetxealdi komunikatua eta fidantzarik gabea agindu zuen, erasoa dela-eta atxilotutako gizona homizidio-saiakera delitu batengatik.
Azkenean, ezin izan du zaurien larritasuna gainditu, eta azken orduetan hil da, biktimaren gertuko iturriek baieztatu dutenez. Epaileak behin-behineko espetxealdi komunikatua eta fidantzarik gabekoa agindu zuen joan den asteartean, atxilotutako gizona hiltzen saiatzea egotzita.
Alabaina, haren heriotzak, iturri judizialek diotenez, karguetan aldaketa bat ekarriko du, eta hilketa delitua egotziko diote.