N-1eko lanak behin amaituta, desegin dira Villabona pareko auto-ilarak

Normaltasuna itzuli da N-1 errepidera, Villabonan, eguerdi aldera, auto-ilarak izan ostean.

Mantentze-lanak zirela eta, bi erreietako bat itxi behar izan dute Irungo noranzkoan, eta, ondorioz, 7 kilometroko auto-ilarak sortu dira, tarteka Tolosaraino iritsi direnak

14:30 jota zirenean, Segurtasun Sailak jakinarazi du amaitu direla inguru horretan egiten ari ziren lanak, eta erreia ireki dutela. Ondorioz, auto-ilarak pixkanaka-pixkanaka desegin dira.