Bilboko metroa
Metroak Indautxu eta San Inazio arteko zerbitzua eten du Deustun izandako harrapaketa baten ondorioz
EITB Media
Hildakoaren gorpua altxatu eta arduradunek baimena eman ondoren, tren-zerbitzua berrabiarazi dute.
Bilboko metroaren 'fosterito' bat. Argazkia: EFE
Metro Bilbaok Indautxu eta San Inazio geltokien artean duen zerbitzua eten egon da bi ordu eta erdiz gutxi gorabehera, 20:00etatik, Deustuko geltokian pertsona bat hil baita, harrapatuta, metrotik eta Segurtasun Sailetik jakitera eman dutenez. Antza denez, suizidioa izan da gertatutakoa.
Geltokiak hustea eta ixtea Metroak Ertzaintzarekin eta SOS Deiekin duen protokoloaren barruan dago, osasun-langileak geltokian lanean ari ziren bitartean.
Metro Bilbaoko gainerako tarteek normaltasunez eman dute zerbitzua. Gorpua altxatu eta arduradunek baimena eman ostean, tren-zerbitzua berrabiarazi dute.