Itsas salbamendua
'Aita Mari' ontziak txalupa batean zihoazen 43 migratzaile erreskatatu ditu Mediterraneo erdialdean
EITB MEDIA
Italiako agintariek Ortonan lehorreratzeko agindua eman diote, Brindisitik ia 400 kilometrora dagoen herrian, eta otsailaren 20an iristea espero dute.
Aita Mari, 12. misioan. Argazkia: @maydayterraneo
Itsas Salbamendu Humanitarioa gobernuz kanpoko erakundearen Aita Mari erreskate-ontziak txalupa batean zihoazen 43 migratzaile erreskatatu ditu ostiral honetan Libiako SAR eremuan.
¡Operación de rescate exitosa! Esta mañana, SMH - AITA MARI ha socorrido a 43 personas. Varones de origen egipcio, sudanés y mayoritariamente bangladesí. ¿
— maydayterraneo (@maydayterraneo) February 16, 2024
¿ Rescate en zona SAR Libia, con olas de más de un metro.
¿ @borjaabargues pic.twitter.com/tJxJGlMNkq
Erreskatea ostiraleko lehen orduetan izan da, Aita Mari bart iritsi zen eremu batean txalupa ikusi dutenean.
Italiako, Maltako, Libiako eta Espainiako agintariei egoeraren berri eman diete, baina "hainbat saiakeraren ostean erantzunik jaso ez dutenez", euskal ontziko tripulazioak "itsas araudiaren arabera jardun du", eta, laguntza eman ondoren, Italiako Gobernuak "berehala eman dio portua", GKEak azaldu duenez.
Emigranteen osasun egoera "ez da larria", lehen triaje medikoaren arabera, "nahiz eta muturreko nekea eta deshidratazioa izan".
Italiako agintariek Ortonan lehorreratzeko agindua eman diote, Brindisitik ia 400 kilometrora dagoen herrian, eta otsailaren 20an iristea espero dute.
Aita Mari harako bidean dago jada, "aurretik bidaia luzea baitute", eta hori "gobernuek kasu horietan baliabideak eta denbora murrizteko erabilitako" estrategiaren ondorio dela adierazi dute gobernuz kanpoko erakundearen iturriek.