Trafikoa
46 urteko motor-gidari bat hil da A-8an, Muskiz parean izandako istripuan
EITB Media
16:00ak inguruan izan da ezbeharra, Kantabriarako bidean, eta bi noranzkoetan itxi behar izan dute errepidea.
46 motor-gidari bat hil da larunbat arratsaldean A-8an, Muskiz parean izandako istripuan.
Kantabriarako bidean zihoala, gidariak ibilgailuaren kontrola galdu, eta istripua izan du. Bertan hil da.
Ertzaintzak bi norazkoetan itxi behar izan du errepidea, eta auto-ilarak sortu dira. 18:30erako bere onera itzuli da trafikoa.
Aurten EAEko errepideetan hil den laugarren motozalea da: asteartean, otsailaren 13an, Hernanin hil zen bat; urtarrilaren 21ean, Getarian, 58 urteko motor-gidari bat hil zen; eta sei egun geroago, Azpeitian, 44 urteko gizon bat.