Trafikoa
Errei guztiak zabalik eta trafiko arina Leioako errepidean, goizean istripua izan ondoren
EITB MEDIA
Errei bat itxita egon da, Bilborako noranzkoan, baina 10:20rako zirkulazioa bere onera etorri da.
Hiru ibilgailuren arteko istripuak ilara luzeak eragin ditu Leioako errepidean
Hiru ibilgailuk istripua izan dute goizeko lehen orduan Leioako errepidean, Segurtasun Sailak eitb.eus-i jakinarazi dionez.
08:20an gertatu da ezbeharra, eta errei bat itxita egon da, Bilborako noranzkoan. Ondorioz, auto ilara luzeak sortu dira, Artatzako errepideko biribilguneraino. 10:20rako, baina, zirkulazioa bere onera etorri da.
Ez dute argitu inor zauritu den.