Baztanen istripua izan duen motozale bat helikopteroz eraman dute Iruñeko ospitalera

AGENTZIAK | EITB MEDIA

Publikatuta: 2024/04/14 16:58 (UTC+2) Azken eguneratzea: 2024/04/15 10:14 (UTC+2)

Motor-gidaria, 57 urteko Iruñeko bizilaguna, NA-1210 errepidean bidetik aterata zauritu da.

Motozale bat zauritu da gaur Baztanen, NA-1210 errepidean izan duen istripuan. Motor-gidaria, 57 urteko iruindarra, errepidetik irten eta larri zauritu da.

Helikopteroz eraman dute Nafarroako Unibertsitate Ospitalera, Guardia Zibilak jakitera eman duenez.

Trafikoko agenteek ikerketa ireki dute istripua nola gertatu den argitzeko.