gertakaria
Bi pertsona zauritu dira Bilbon taberna batean izandako leherketan
EITB Media
Lehen datuen arabera, butano botila bat lehertu da bart, 21:00ak aldera, Irala auzoko taberna batean. Ostalaritza lokaleko bi langile zauritu dira, eta bat Gurutzetako Ospitalera eraman dute, erredurekin.
Your browser doesn’t support HTML5 video
Bi pertsona zauritu dira Irala auzoko (Bilbo) taberna batean izandako eztanda batean. Horietako bat Gurutzetako Ospitalera eraman dute, erredurekin.
Gertakaria bart gertatu da, 21:00ak aldera, Eskurtze kaleko 10.ean. Lehen hipotesien arabera, butano botila bat lehertu da, lokalean ziren bi lagunak zaurituta. Taberna itxita zegoen, beraz, badirudi langileak zirela biak.
Leherketak ez du suterik eragin, baina bai ke ugari. Suhiltzaileak, larrialdi zerbitzuak, Ertzaintza eta Udaltzaingoa bertaratu dira.