Itxi

Lapurdi

Bikotekidearen ezbeharragatik Ziburun atxilotutako gizona aske utzi dute

EITB Media

Leer en Castellano

Antza denez, emakumearen egoerak kritikoa izaten jarraitzen du, baina ez du okerrera egin. Erorikoa gertatu eta bi egunera, ospitaleko medikuek egonkortzea lortu dute, baina hainbat ebakuntza egin behar baitizkiote.

Ziburuko (Lapurdi) IBIS hotela. Irudia: EITB

Ziburun (Lapurdi), bikotekidearen ezbeharragatik igandean atxilotutako gizona aske utzi dute, Sud Ouest egunkariak aurreratu duenez.

Egunkari horrek zehaztu duenez, emakumearen egoerak kritikoa izaten jarraitzen du, baina ez du okerrera egin. Erorikoa gertatu eta bi egunera, ospitaleko medikuek egonkortzea lortu dute, baina hainbat ebakuntza egin behar baitizkiote.

Itxuraz, bikotekidearengandik ihes egin nahian-edo, emakumeak IBIS hoteleko bosgarren solairutik salto egin zuen, eta oso larri dago.

Polizia-iturri batzuk aipatuta, Sud Ouest egunkariak zabaldu du gizona jadanik "begitan" zutela, indarkeria matxistagatik.

Biktimak 30 urte ditu, eta zauri oso larriak ditu, besteak beste, gerrialdean.

Tratu txarrak pairatzen badituzu edo kasuren bat ezagutzen baduzu, kontuan hartu gida honetako aholkuak eta/edo deitu doako telefono hauetara: 900 840 111 (EAEkoa), 016 (Espainiako Estatukoa) edo 3919 (Iparraldekoa, eguneko 24 orduetan erabilgarri, igande eta jaiegunetan 09:00etatik 18:00etara izan ezik). Ez dute fakturan arrastorik uzten, baina bai telefonoan. Beraz, ez ahaztu ezabatzea.

 

Albisteak (1)