Nafarroa
19 urteko mutil bat atxilotu dute Tuteran, amari eraso eta heriotza-mehatxuak egitea leporatuta
AGENTZIAK | EITB MEDIA
55 urteko emakumeak Udaltzaingoari deitu zion, semea erasotzen ari zitzaiola esateko. Gaztea atxilotu dute, etxeko indarkeria delitua egotzita.
Tuterako Udaltzaingoak 19 urteko mutil bat atxilotu du etxeko indarkeria delitu bat egotzita, amari eraso eta heriotza-mehatxuak egitea egotzita.
Udaltzainek aditzera eman dutenez, semea eraso egiten ari zitzaiola jakinarazi zion telefonoz emakume horrek Udaltzaingoari. Familia horren etxera iritsitakoan, 55 urteko emakumea artatu behar izan zuten, eta semeak heriotza-mehatxuak ere egin zizkiola adierazi zien.
Gaztea atxilotu eta Foruzaingoaren egoitzara eraman zuten, epailearen aurrera eraman aurretik egin beharreko izapideak egitera. Horiek bukatutakoan jarriko dute epailearen esku.