Itxi

Indarkeria matxista

Gizon bat atxilotu dute Gasteizen bikotekide ohia atxiki eta sexualki erasotzeagatik

EITB MEDIA

Leer en Castellano

Gizonak urruntze-agindua urratu eta bikotekide ohia sexu-harremanak izatera behartu zuen. Atxilotua epailearen esku utzi dute eta espetxeratzeko agindua eman dute.

Ertzaintzak 45 urteko gizon bat atxilotu du Gasteizen, sexu-askatasunaren aurkako delitu bat egotzita.

Gizonak urruntze-agindua urratu eta bikotekide ohia sexu-harremanak izatera behartu zuen. Atxilotua epailearen esku utzi dute eta espetxeratzeko agindua eman dute.

Gertakariak astelehen goizean jazo ziren. Biktima etxetik irtetera zihoala, bikotekide ohiak eraso egin zion.

Gizonak urruntze-agindua zuen arren, atarian zegoen zain eta etxebizitzara igotzera behartu zuen. Barruan, sexu-harremanak izatera behartu zuen bere borondatearen aurka. Gizona lo geratu zenean, emakumea Ertzaintzarekin harremanetan jarri ahal izan zen. Polizia bertaratu eta erasotzailea atxilotu zuten.

Atxilotua ertzain-etxera eraman zuten, eta gaur goizean epailearen esku utzi dute, espetxeratzeko agindua emanez.

Tratu txarrak pairatzen badituzu edo kasuren bat ezagutzen baduzu, kontuan hartu gida honetako aholkuak eta/edo deitu doako telefono hauetara: 900 840 111 (EAEkoa), 016 (Espainiako Estatukoa) edo 3919 (Iparraldekoa, eguneko 24 orduetan erabilgarri, igande eta jaiegunetan 09:00etatik 18:00etara izan ezik). Ez dute fakturan arrastorik uzten, baina bai telefonoan. Beraz, ez ahaztu ezabatzea.