Garraio publikoa
Metro Bilbaok Barik txartel faltsuekin egindako iruzur baten berri eman du
I. G. | EITB MEDIA
Metro Bilbaok ohar bat argitaratu du 'Barik garraio txartela' Facebookeko kontua ez dela ofiziala eta bertan garraio publikorako eskaintzen diren deskontuak faltsuak direla jakinarazteko.
Albiste faltsua. Irudia: Metro Bilbao
Metro Bilbaok astelehen honetan ohartarazi duenez, Barik garraio txartelean "faltsuak" diren deskontuak iragartzen dituen kontu bat dago Facebooken.
'X' sare sozialaren bidez, Metro Bilbaok ohartarazi du 'Barik garraio txartela' Facebookeko kontua ez dela "ofiziala" eta "Barik txarteleko deskontuei buruzko albiste guztiak faltsuak" direla.
Kontu honetan "Bilboko egoiliarrentzako eskaintza berezi" bat iragartzen da, 'Barik Transporte Card' garraio txartel bat duena. Oharrean dioenez, garraio publikoa "urtebetez erabat doan" erabiltzeko aukera ematen du, 2,35 euroren truke.
¿¿Eskaintza faltsua!¿¿
— metro bilbao (@metrobilbaoeus) May 27, 2024
Jakinarazten dizugu Facebook-eko "Tarjeta de transporte Barik" kontua ez dela ofiziala. Barik deskontuei buruzko bere albiste guztiak faltsuak dira. pic.twitter.com/YJxP5A9BG3
Kontu "ez ofizial" horren berri izan ostean, Metro Bilbaok ohartarazi du bertan Barik enpresaren deskontuei buruz agertzen diren albiste guztiak "faltsuak" direla.