Trafiko istripua
Emakume bat hil da Gasteizen, autoarekin talka eginda Zaramagako tuneletan
Agentziak | EITB MEDIA
Istripua atzo gauean jazo zen, 22:30 aldera, Boulevard merkataritza-gunetik gertu. Emakumea Txagorrituko Ospitalera eraman zuten, larri, eta handik ordu batzuetara hil zen.
Zaramaga auzoko tuneletan jazo zen istripua. Argazkia: Gasteizko Suhiltzaileak
46 urteko emakume bat hil da Gasteizen, Zaramaga auzoko tuneletan istripua izan ostean, Udaltzaingoak jakitera eman duenez.
Istripua atzo gauean jazo zen, 22:30 aldera, Boulevard merkataritza-gunetik gertu. Ordu horretan, Zaramaga kaleko tuneletako zutabe baten aurka talka egin zuen autoarekin.
Emakumea Txagorrituko Ospitalera eraman zuten, larri, eta handik ordu batzuetara hil zen. Udaltzaingoak ikerketa abiatu du, gertatutakoaren nondik norakoak argitzeko asmoz.