Trafikoa
Bilboko Deustuko zubia obrengatik itxita egongo da gauetan astelehenetik ostegunera arte
AGENTZIAK | EITB MEDIA
Zubia itxita egongo da datorren astean, lau egunetan, gauez, mantentze-lanak amaitzeko.
Deustuko Zubia, Bilbon. Irudia: EITB MEDIA
Bilboko Udalak prentsa-ohar baten bidez jakinarazi duenez, Deustuko Zubiko trafikoa itxita egongo da datorren astean, 21:00etatik 06:00etara, astelehenetik ostegunera, mantentze-lanak amaitzeko.
Aurreko lanetan, zubiaren bi tarte higikorretako morroiloak eta buloiak aldatu dituzte, bi taulen arteko jauzia kentzeko.
Aste honetan, astelehenetik ostegunera, Deustuko zubirako zehazki fabrikatutako buloi batzuk jarriko dituzte, zubiaren giltzarri diren loturan tarteak murrizten jarraitzeko.