Iruñeko Udalak herritarren erabateko inplikazioa eskatu du sanferminetan sexu indarkeriari aurre egiteko

Iruñeko Udalak sexu-indarkeria desagerrarazteko sanferminetan erabiliko duten estrategia aurkeztu du. 'Pamplona libre de agresiones sexistas / eraso sexistarik gabe, Iruña aske' lelopean egingo den estrategiak, erabateko inplikazioa izatera bultzatzen die herritarrei.

Zaloa Basabe berdintasun zinegotziak argitu duenez, kanpaina horren helburua da emakumeak hirian aske eta seguru sentitzea, baita jaiak errespetuan eta berdintasunean oinarrituta bizitzea ere. Horrez gain, erasorik gertatuz gero, hiriak baliabideak eta erantzun koordinatua eskaintzearen garrantzia azpimarratu du.

Gaztelu Plaza sentsibilizazioaren epizentro izango da berriro, eta informazioa gaztelaniaz, euskaraz, ingelesez eta frantsesez eskainiko da. Gainera, jaietan zehar arreta integrala bermatzeko, biktimen arretan aritzen diren hamar profesionalek txandak egingo dituzte eguneko 24 orduetan.