Itxi

Indarkeria matxista

Hiru emakume hil dituzte 24 orduan Andaluzian

Agentziak | EITB MEDIA

Leer en Castellano

34 urteko gizon batek haren bikotekidea, 20 urteko neska bat, eta horren ama, 49 urtekoa, hil ditu Zafarrayan (Granada). Gainera, 76 urteko emakume bat itota topatu dute Fuengirolan (Malaga). Polizia Nazionalak haren bikotekidea atxilotu du.

Hiru emakume hil dituzte 24 ordu baino gutxiagoan Andaluzian; Zafarrayan (Granada) eta Fuengirolan (Malaga) izandako bi krimen matxistatan.

34 urteko gizon batek haren bikotekidea, 20 urteko neska bat, eta horren ama, 49 urtekoa, hil ditu larunbat honetan Granadan.

Gizonak eskopeta batekin hil ditu bi emakumeak haien etxean, Guardia Zibilak jakitera eman duenez.

Gainera, 76 urteko emakume bat itota topatu dute Fuengirolan (Malaga). Polizia Nazionalak haren bikotekidea atxilotu du, ustezko hiltzailea delakoan.

Tratu txarrak pairatzen badituzu edo kasuren bat ezagutzen baduzu, kontuan hartu gida honetako aholkuak eta/edo deitu doako telefono hauetara: 900 840 111 (EAEkoa), 016 (Espainiako Estatukoa) edo 3919 (Iparraldekoa, eguneko 24 orduetan erabilgarri, igande eta jaiegunetan 09:00etatik 18:00etara izan ezik). Ez dute fakturan arrastorik uzten, baina bai telefonoan. Beraz, ez ahaztu ezabatzea.