Itxi

Emakumeen aurkako indarkeria

Gizon bat atxilotu dute Berriozarren, emakume bati sexu-erasoa egitea egotzita

EITB MEDIA

Leer en Castellano

Gizonezkoak sexu-ukituak egin dizkio emakumeari. Salaketa jaso ostean, Foruzaingoak gizona atxilotu du, eta Erripaburuko polizia-etxera eraman. Iker Mariezkurrena Berriozarko alkateak gogor gaitzetsi du erasoa sare sozialen bitartez.

Gizon bat atxilotu dute Berriozarren (Nafarroa), emakume bati sexu-erasoa egitea leporatuta, EITB Mediak jakin duenez.

Pamplona Actual webguneak zabaldutakoaren arabera, gertaera ostiral gauean jazo da, Kaleberri kalean. Gizonezkoak sexu-ukituak egin dizkio emakumeari. Salaketa jaso ostean, Foruzaingoak gizona atxilotu du, eta Erripaburuko polizia-etxera eraman. Emakumea, berriz, ospitalera eraman dute, medikuek azterketa egin diezaioten.

Iker Mariezkurrena Berriozarko alkateak gogor gaitzetsi du erasoa sare sozialen bitartez.

Tratu txarrak pairatzen badituzu edo kasuren bat ezagutzen baduzu, kontuan hartu gida honetako aholkuak eta/edo deitu doako telefono hauetara: 900 840 111 (EAEkoa), 016 (Espainiako Estatukoa) edo 3919 (Iparraldekoa, eguneko 24 orduetan erabilgarri, igande eta jaiegunetan 09:00etatik 18:00etara izan ezik). Ez dute fakturan arrastorik uzten, baina bai telefonoan; beraz, ez ahaztu ezabatzea.