Emakumeen aurkako indarkeria
Gizon bat atxilotu dute Tuteran emakume bati sexu-erasoa egitea egotzita
agentziak | eitb media
Foruen plazako kamerek grabatu zuten erasoa, larunbatean, goizeko zazpietan. Atxilotua espetxeratu egin dute epailearen aginduz.
Tuterako udaltzainek gizonezko bat atxilotu dute Foruen plazan emakume bati sexu-erasoa egitea egotzita, emakumeari ukituak egin zizkiolako biktimaren baimenik gabe.
Udaltzaingoak emakume baten deia jaso zuen larunbat goizean, 07:00ak aldera, gizon bat jazartzen ari zitzaiola ohartaraziz.
Agenteak berehala bertaratu ziren, eta gizona atxilotu zuten sexu-erasoa egotzita. Plazako segurtasun-kamerek grabatu omen zuten gizona emakumeari ukituak egiten.
Atxilotua Foruzaingoaren komisariara eraman zuten, eta, beharrezko eginbideak betetakoan, espetxeratu egin dute, epailearen aginduz.