Indarkeria matxista
47 urteko gizon bat atxilotu dute Gasteizen emakume bati sexu erasoa egitea egotzita
Agentziak | EITB Media
Sexu erasoa Koroatze auzoko lonja batean gertatu zen astelehen gauean, eta atxilotua epailearen aurrera eraman dute dagoeneko. Ondoren, epaileak espetxera bidali du.
Sexu erasoa gertatu zen lonja, Gasteizen. EITB Mediaren bideo batetik ateratako irudia
47 urteko gizon bat atxilotu du Ertzaintzak Gasteizen, emakume bati sexu erasoa egitea leporatuta.
Ertzaintzaren iturrien arabera, sexu erasoa Koroatze auzoko lonja batean gertatu zen, eta atxilotua epailearen aurrera eraman dute jadanik. Ondoren, epaileak espetxeratzeko agindua eman du.
Gasteizko Udalak elkarretaratzea deitu du 12:00etan Plaza Berrian, pasa den igandean hirian gertatu zen beste sexu-eraso bat salatzeko. Udalak jakinarazi duenez, emakume batek igandean salatu zuen 35 urteko bikotekide ohiak fisikoki eta psikologikoki eraso ziola. Sexu erasoa egitea egotzita atxilotu zuten gizona, eta epaile aurrera eraman ondoren, epaileak espetxean sartzeko agindu zuen.