22 urteko gizon bat larri zauritu dute Munetako jaietan izandako liskar batean, labankadaz

22 urteko gizon bat larri zauritu dute Munetan (Nafarroa), labankadaz. Estellerriko herri horretan jaiak ospatzen ari dira, eta jaien testuinguruan sortu den borroka batean jaso du labankada gazteak.

Aurrena, Lizarrako García Orcoyen ospitalera eraman dute, eta, gero, Nafarroako Unibertsitate Ospitalera, Iruñera.

Foruzaingoak adin ertaineko gizon bat atxilotu du, erasoarekin zerikusia duelakoan.