Kirol-proba
Horrela eragingo dio triatloiak Bilboko trafikoari
EITB Media
Udalak garraio publikoa, metroa eta trena batez ere, erabiltzeko gomendioa egin du. Trafiko aldaketak izango dira, batez ere ibaiadarraren alde bietan, Deustuko barrutian, Olabeagan eta Leizaola lehendakariaren kalean eta Euskalduna zubian.
Bibao Triathlon probaren artxiboko irudia. Irudia: Bilboko Udala
Larunbat honetan, irailaren 14an, XIII. Bilbao Triathlon egingo da Bizkaiko hiriburuan. Proba horrek aldaketa handiak eragingo ditu trafikoan eta oinezkoen joan-etorrietan.
Udalak garraio publikoa, metroa eta trena batez ere, erabiltzeko gomendatu du. Trafiko aldaketak izango dira ibaiadarraren alde bietan, Deustuko barrutian eta Olabeagan, 13:30etik 18:20ra, gutxi gorabehera. Abandoibarran, Leizaola lehendakariaren kalean eta Euskalduna zubian ere aldaketak izango dira 13:30 eta 15:00 artean.
Bilbobusen hainbat lineatako ibilbideetan eta geralekuetan eta Euskalduna zubiaren eta Udaletxearen artean doan bidegorrian eragozpenak sortuko dira 15:50etik 20:00etara bitartean, gutxi gorabehera.
Trafiko-aldaketak
Deustu eta Zorrotzaurre: Errepideak itxiko dira Deustuko barrutian eta Zorrotzaurren, 13:30etik 18:20ra. Honako kaleetan izango du eragina:
- 13:30etik 15:00etara bitartean, Euskalduna zubiko beheranzko zirkulazioa etengo da, larrialdi-zerbitzuentzat izan ezik. 14:30etik 18:30era, berriz, goranzko eskuineko erreia okupatuko da.
- 13:30etik 15:00etara bitartean, erreia itxiko da Bernaola tuneletan, Enekuriko noranzkoan.
- 13:30etik 15:00etara bitartean, etenek eragina izango dute Eraso jeneralaren kalean (Ballets Olaeta eta Morgan kaleen artean), Morgan kalean (Eraso jenerala kalearen eta Bernaola tunelen artean), Enekuri etorbidean (Ibarrekolanda eta Bernaola tunelen errotondaren artean).
- 14:30etik 18:20ra aldizkako zirkulazio-etenak egingo dira Zorrotzaurreko sarrera-irteeran, bi noranzkoetan, Olaeta baletak kalearen eta Frank Ghery zubiaren arteko bidegurutzearen parean.
Ibarrekolanda, San Ignazio eta Elorrieta Erribera: 14:30etik 18:20ra, gutxi gorabehera, trafiko-etenak egingo dira Ibarrekolanda eta San Ignazio auzoetan eta Elorrietako erriberan. Elorrietatik ezingo da ez Bilbora sartu ez Bilbotik irten.
Olabeaga: 14:30etik 18:20ra, gutxi gorabehera, Olabeaga auzorako sarbidea itxiko da, Olabeaga kaian, Jesusen Bihotza plazako biribilgunetik, larrialdi-zerbitzuei eta Bilbobusei izan ezik. Ibilgailu partikularrak Ventosa bidetik eta Olabeaga aldapatik sartu beharko dira auzora.