Donostia
Bart Reale Arenan sartzen ari zela erori ostean hil den gizonaren heriotza ikertzen ari dira
agentziak | eitb media
Gizonak kolpea jaso zuen buruan, erorketa baten ondorioz, eta ospitalean hil da.
Reale Arenako bosgarren atea. Argazkia: EFE
Ertzaintzak ikerketa abiatu du bart Donostiako Reale Arena estadioan sartzen ari zela erori ostean hil den gizonaren heriotza argitzeko.
Realaren eta Real Madrilen arteko partidaren atarian, 20:50ean, larrialdi zerbitzuak ohartarazi zituzten, estadioko bosgarren atearen inguruan pertsona bat erori eta min hartu zuelako, Segurtasun Sailak jakitera eman duenez.
Gizonak kolpe gogorra jaso zuen buruan erorketaren ondorioz, eta Donostia Ospitalean hil da.
¿¿ Realak biziki deitoratzen du atzo Reale Arenara sartzera zihoala hil zen Klubeko bazkide bat galdu izana. Goian bego. https://t.co/rbx2rpzxoc
— Real Sociedad Fútbol (@RealSociedadEUS) September 15, 2024