EZBEHARRA
52 urteko gizon bat ospitaleratu dute Tuteran, etxeko sukaldean piztutako sutearen kea arnasteagatik
AGENTZIAK | EITB MEDIA
Sutea 17:00etan piztu da Domingo Gaztelu kaleko etxebizitza batean. Zauritua pronostiko erreserbatuarekin ospitaleratu dute.
Nafarroako suhiltzaileen ibilgailuak. Argazkia: @bomberos_na
Tuterako Reina Sofia ospitalera eraman dute gaur arratsaldean 52 urteko gizon bat, etxeko sukaldean piztu den sutearen kea arnasteagatik.
Domingo Gaztelu kaleko etxe batean piztu da sua 17:00ak aldera, larrialdietako iturriek jakitera eman dutenez.
Tuterako suhiltzaileak, anbulantzia bat eta Udaltzaingoa bertaratu dira eta zauritua ospitalera eraman dute, pronostiko erreserbatuarekin.