Lan-istripua
Behargin bat hil da Irunberrin, aldamio batetik erorita
EITB MEDIA
Ezbeharra 18:00ak aldera gertatu da, Abadia kaleko etxe batean, ikertzen ari diren arrazoiengatik.
Ezbeharra gertatu den etxebizitza, Irunberriko Abadia kalean. Argazkia: Foruzaingoa
42 urteko gizon bat hil da gaur arratsaldean Irunberrin (Nafarroa), etxe bat birgaitzeko lanetan ari zela aldamiotik erorita.
Ezbeharra 18:00ak aldera gertatu da, Abadia kaleko etxe batean, ikertzen ari diren arrazoiengatik.
SOS Nafarroa 112 larrialdi zerbitzuak , abisua jaso bezain laster, gertakarien lekura bidali ditu inguruko mediku taldea, anbulantzia bat eta foruzainak, baina gizona hilik zegola egiaztatu besterik ezin izan dute egin.
Foruzaingoak ikerketa abiatu du, istripuaren nondik norakoak argitzeko.