Ezbeharra Nafarroan
67 urteko motozale bat larri zauritu da Erron, errepidetik aterata
Agentziak | EITB Media
Zauritua anbulantzian eraman dute Nafarroako Unibertsitate Ospitalera. Garezurreko traumatismo larria omen du. Istripua N-135 errepidean gertatu da, 17:10ean.
67 urteko gizonezko bat larri zauritu da gaur arratsaldean Erron (Nafarroa), motor batean zihoala errepidetik aterata.
Istripua N-135 errepidean gertatu da, Erron, Nafarroako Gobernuak ohar baten bidez jakinarazi duenez.
SOS Nafarroa larrialdietarako zerbitzuak 17:10ean izan du ezbeharraren berri, eta oinarrizko bizi-euskarriko anbulantzia bat, bizi-euskarri aurreratuko anbulantzia bat (medikalizatua), Aurizko mediku-taldea eta Foruzaingoa bertaratu dira.
Zauritua, 67 urteko gizonezko bat, anbulantzian eraman dute Nafarroako Unibertsitate Ospitalera. Garezurreko traumatismo larria omen du.
Foruzaingoak ikerketa abiatu du istripuaren arrazoiak argitzeko.