Pertsona bat hil da Azagran izan den trafiko istripuan

EITB MEDIA

Publikatuta: 2024/10/15 12:06 (UTC+2) Azken eguneratzea: 2024/10/15 13:39 (UTC+2)

Foruzaingoak jakitera eman duenez, NA-134 errepidean izan da ezbeharra, 42. kilometroan, 10:57an.

Horrela geratu da istripua izan duen autoa. Argakia: @policiaforal_na

Pertsona bat hil da, gaur goizean, Azagran (Nafarroa) izan den trafiko istripuan, auto bat bidetik atera baita. NA-134 errepidean izan da ezbeharra, 42. kilometroan, 10:57an.

Foruzaingoak jakitera eman duenez, ibilgailuaren gidaria da hildakoa. Bakarrik zihoan autoan.

Nafarroako larrialdietarako zerbitzuko osasun langileak bertaratu dira, baina gidaria tokian bertan zendu da.

Gertatukoa argitzeko, ikerketa ireki du Foruzaingoak.