Goialdeko depresioa
Goialdeko depresioaren ondorioz hildakoak 214 dira jada Valentzian, eta desagertuen kopurua 41era jaitsi da
agentziak | eitb media
Autopsia egin diete denei, 195 identifikatu dituzte, eta 140 senideen esku utzi dituzte jada.
Catarroja, goialdeko borraskaren ostean. Argazkia: EFE
Valentziako Justiziaren Hiriak urriaren 29ko goi-geruzetako depresio isolatuaren ondorioz hildako 214 pertsonaren gorpuak jaso ditu jada, eta desagertuen kopurua 41era jaitsi da.
Autopsia egin diete denei, 195 identifikatu dituzte, eta 140 senideen esku utzi dituzte jada.
Valentziako Justizia Auzitegi Nagusiak ohar baten bidez gogorarazi du hildakoen kopurua zenbateko bat dela, eta desagertuena beste bat, eta "inola ere ez" dela batuketa egin behar; izan ere, desagertuen kopuruak gora edo behera egin dezake hildakoak identifikatu, desagerpen gehiago salatu edota desagertuak bizirik aurkituz gero.