Indarkeria matxista
Behin-behineko espetxealdia ezarri diote Pasaian bikotekidea hiltzen saiatzeagatik atxilotutako gizonari
EITB MEDIA
Gainera, epaitegiak debekatu egin dio akusatuari biktimarekin komunikatzea edo harengana 500 metro baino gutxiagora hurbiltzea.
Hilketa saiakera salatzeko elkarretaratzea, Pasaian. Argazkia: EITB MEDIA
Donostiako Emakumeen aurkako Indarkeriaren arloko Epaitegiak behin-behinean espetxeratzeko agindua ezarri dio joan den igandean Pasaian atxilotutako 35 urteko gizonari, genero-indarkerian egindako hilketa saiakera egotzita.
Halaber, epaitegiak babes-neurri bat eman du, eta, horren bidez, akusatuari biktimarekin komunikatzea edo harengana 500 metro baino gutxiagora hurbiltzea debekatu dio.