16 urteko lizarratar bat ikerketapean, baimenik gabe gidatu eta kokainan eta marihuanan positibo emateagatik

Foruzaingoa Lizarrako 16 urteko gazte bat ikertzen ari da, baimenik gabe ibilgailu bat gidatzeagatik eta drogak atzemateko testean positibo emateagatik.

Poliziak azaldu duenez, asteazken goizaldean, 04:00ak aldera, Lizarrako polizia-etxeko patruila bat biztanle gutxiko landa-eremu batean lanean ari zela, ibilgailu batek susmoak piztu zizkien.

Gazteari gelditzeko esan ondotik egiaztatu zuten gazteak ez zuela ibilgailua gidatzeko baimenik, eta, gainera, positibo eman zuen bi drogatan: kokaina eta marihuana. Bide segurtasunaren aurkako delitu batengatik ikertzen ari dira.