Nafarroa
Ospitalera eraman dute Areson erreskatatutako mendizale bat
AGENTZIAK | EITB MEDIA
Helikoptero baten garabiarekin erreskatatu ostean, Leitzako osasun-etxera eraman dute lehendabizi, baina handik Nafarroako Ospitale Gunera bidali dute anbulantzian.
Helikopterotik egindako erreskatea. Argazkia: Nafarroako Suhiltzaileak
64 urteko gizon bat Nafarroako Ospitale Gunera eraman dute gaur, igandea, Areson, Azinziniturri inguruan, Nafarroako Suhiltzaileek erreskatatu ondoren.
Medizaleak istripua izan du 10:20 aldera, eta erreskate taldea ez ezik, Foruzaingoa ere bertaratu da.
Helikoptero baten garabiarekin erreskatatu ostean, Leitzako osasun-etxera eraman dute lehendabizi, baina handik Nafarroako Ospitale Gunera bidali dute anbulantzian, gorputzean hainbat kolpe zituelako.