Gatazka Sirian
Kerryk Siriako matxino 'moderatuei' armak ematearen alde egin du
Erredakzioa
Nolanahi ere, armak "pertsona okerrei" ere heltzeko "bermerik" ez dagoela aitortu du AEBetako Estatu idazkariak.
John Kerry, igande honetan, Mohamed Mursi Egiptoko presidentearekin batera. EFE
John Kerry AEBetako Estatu idazkariak Siriako matxino "moderatuei" armak ematearen alde egin du. Dena dela, armak "pertsona okerrei" ere heltzeko "bermerik" ez dagoela aitortu du.
Saud al Faisal Saudi Arabiako Atzerri ministroarekin batera eskainitako prentsaurreko batean azaldu duenez, AEBak "lanean" ari dira armak matxino moderatuek jasotzen dituztela bermatzeko, talde jihadistek beharrean.