Astelehenerako
Gobernuak AEBetako enbaxadorea deitu du ustezko espioitza kasuagatik
Erredakzioa
"Jazotakoa baieztatzen bada, erabat onartezina da gobernu bazkideen, lagunen eta aliatuen artean horrelakorik gertatzea", esan du Atzerri Gaietarako Espainiako ministroak.
Mariano Rajoy Gobernuko presidentea. Argazkia: EFE
Espainiako Gobernuak bilera deitu du datorren astelehenerako Atzerri Gaietarako Ministerioan James Costos AEBek Espainian duten enbaxadorearekin, AEBek Espainiari ustez egindako espioitzari buruz informazioa jasotzeko.
Bruselatik Rajoyk esan duenez, "lagunen eta aliatuen artean espioitzak ez du zentzurik". Hala ere, Espainiako presidenteak azpimarratu duenez, "Espainiako Gobernuak ez du uste AEBek politikari espainiarrak espiatu dituenik, eta ez du horren berririk".
Madrilen, Atzerri Gaietarako ministroak azaldu duenez, astelehenean batzartuko da Costos enbaxadorearekin (10:30ean tokiko orduan), Atzerri Gaietarako Ministerioaren egoitzan, "informazio eskaerari erantzuna emateko".
"Espainiako Gobernuak jada esan du, ekintza hauek baieztatuz gero, gobernu bazkideen, lagunen eta aliatuen artean horrelakorik gertatzea onartezina dela", azpimarratu du Garcia-Margallok. "Pribatutasunaren babesa gure gain hartzeko oso zaila da", adierazi du. Garcia-Margallok azaldu duenez, Ramon Gil-Casaren Espainiak AEBetan duen enbaxadorea "gertutik" ari da gai hori jarraitzen.
Ministroak gogora ekarri duenez, datuak babesteko AEBek eta Europar Batasunak adostutakoa berriro aztertzeko adituen batzordea sortu du Europar Batasunak ustezko espioitzaren hasierako informazioak jakinarazi direnean.