Ukrainako gatazka
Poroxenkok alde bakarreko su-etena emango du Ukrainan
Erredakzioa
Su-etenak gutxi iraungo omen du, eta tarte horretan legez kanpoko indar armatuek armak utzi beharko dituzte, eta herrialdetik joan nahi dutenei joaten utziko diete.
Liskarrak Odessan. Argazkia: Efe
Petro Poroxenko Ukrainako presidenteak iragarri du alde bakarreko su-etena emango duela. Armada eta indar armatu errusiazaleak Ukraina hego-ekialdean izaten ari diren borrokak gelditzeko asmoz abiatutako planaren barruan kokatu du neurria.
"Plana alde bakarreko su-eten aginduarekin hasiko da", adierazi du agintari ukrainarrak hedabideen aurrean.
Poroxenkok azaldu duenez, su-etenak gutxi iraungo du, eta tarte horretan legez kanpoko indar armatuek armak utzi beharko dituzte eta herrialdetik joan nahi dutenei joaten utziko diete.