Immigrazioa
30 bat immigrante hil dira barku batean itota, Italiatik gertu
Erredakzioa
Legez kanpoko 600 bat immigrante zeramatzan itsasontzi batean zihoazen, Afrika iparraldetik Italia aldera, eta asfixiaz hil dira.
Your browser doesn’t support HTML5 video
30 bat immigrante hil ziren atzo asfixiatuta Italiatik gertu atzemandako itsasontzi batean, Siziliako itsasartean. Ontzian 600 bat immigrante zihoazen, Afrika iparraldetik Italia aldera, bertako hedabideek jakitera eman dutenez.
Dirudienez, hildakoak, 27 eta 30 urte artekoak, itsasontziaren alderdi estu batean zihoazen, eta arnasa hartu ezinda geratu eta itota hil ziren.
Italiako Armadak Pozzallo portura eraman du ontzia. Ostiraletik, zazpi itsasontzi eta 1.654 legez kanpoko immigrante atzeman dituzte Italiako kosta inguruan.