Ukraina
Errusiazaleek eta ukrainarrek elkarri eraso diote berriz ere Donetsken
Erredakzioa
Ukrainako Gobernuko Indarrak hiriburua kontrolpean hartzen saiatzen ari dira, tren geltokiaren kontra misilak jaurtiz, agintari baten arabera.
Errusiazaleak Ukrainan
Errusiaren aldeko matxinoek eta Ukrainako Gobernuko Indarrek elkarri eraso diote berriz ere Donetsk hiriaren inguruetan; arma-hotsak eta anbulantzia-sirenak etengabe entzuten dira bertan.
Bertako hedabideen arabera, misil bat bota dute aireportuan eta tren-geltokiaren artean dagoen bederatzi solairuko eraikin baten kontra.
"Balak gure buruen albotik pasatu dira", esan du Donetskeko Herri Errepublikako Gobernuaren egoitzara bertaratu den emakume batek.
Gainera, Sergei Kavtaradze Donetskeko goi kargudunak salatu duenez, Ukrainako Gobernuko Indarrak hiriburua kontrolpean hartzen saiatzen ari dira, tren-geltokiaren kontra misilak jaurtiz.
Kavtaradzeren esanetan, gutxienez lau gerra-ibilgailu eta blindatu daude hirian sartzeko ahaleginetan.