Laguntza humanitarioa
Errusiako laguntza daramaten 262 kamioiak Luganskera heldu dira
Erredakzioa
Ukrainan herrialde horretako agintarien baimenik gabe sartu dira, eta Gurutze Gorriaren eskoltarik gabe.
Your browser doesn’t support HTML5 video
Errusiako laguntza humanitarioa daraman konboiaren 262 kamioiak ostiral honetan heldu dira euren helmugara, Lugansk hirira, goiz honetan Ukrainako agintarien baimenik eta Gurutze Gorriaren eskoltarik gabe herrialdean sartu ostean, udal-administrazioak jakinarazi duenez.
"Une hauetan, laguntza humanitarioaren deskarga hasi da; gero, herritarren artean banatzen hasiko gara", esan zien kazetariei udal-administrazioko bozeramaile batek. Udal-administrazioa demokratikoki hautatu zuten, Ukrainako ekialdean Errusiaren aldeko matxinada piztu baino askoz ere lehenago.
Ez du baztertu laguntza humanitarioaren zati bat Donetsk eskualdera bidaltzea; izan ere, bertako herri batzuetan hondamendi gizatiarrean jausteko zorian daude.
Ukrainako Mugako Guardiaren agente batzuk mugara joan ziren, zamaren berrikusketan parte hartzeko, baina salatu du euren lana eta Aduanetako Zerbitzuena ere Errusiak oztopatuta izan zela.
AEBk "ekintza gehigarriak" hartuko direla ohartazi dio Errusiari, konboia ez badu ateratzen
Estatu Batuek, bitartean, herrialdearen aurkako ekintza gehigarriak hartuko direla ohartarazi dio Errusiari, laguntza gizatiarrez beteta doazen kamioiak ez baditu Ukrainatik ateratzen. Baimendutako sarrera izan dela berretsi du.
"Gure iritzia argia da, eta Errusiak ezin du erabili ilara gizatiar bat erabiltzea muga zeharkatzeko aitzakia bezala", nabarmendu du ostiralean John Kirby Pentagonoaren bozeramaileak, prentsaurrekoan.
Baimena gorabehera
Ordu batzuk lehenago, Errusiak Ukrainako ekialdeko herritarrentzako laguntza humanitarioa daraman kamioi taldea herrialdean sartuko zela iragarri du, Kieveko Gobernuak baimena eman ez arren.
"Errusiak aurrera egitea erabaki du. Laguntza humanitarioa daramaten kamioiek Luhanskerako bidea hartu dute", esan du Errusiako Gobernuak. Halaber, aduanako izapideak nahita luzatzea egotzi dio Moskuk Ukrainari.
Errusiako Kanpo Arazoetarako Ministerioaren webgune ofizialean publikatutako ohar baten arabera, "Errusiako laguntza humanitarioa Ukrainako hego ekialdean entregatzeko atzerapen artifizialek eragindako egoera onartezina da".