Grezia
Eurotaldeak ez du onartu Greziaren azken proposamena
AGENTZIAK | ERREDAKZIOA
"Praktikan ezer gutxi egin dezakegu Greziako Gobernuak [referendumean] ezetzaren alde egiten jarraitzen badu. Horrenbestez, testuinguru politikoa ez da aldatu", esan du Eurotaldeak.
Alexis Tsipras Greziako lehen ministroa. EFE
Euroguneko Ekonomia ministroek ez dute onartu Alexis Tsipras Greziako lehen ministroaren azken proposamena, baina beste bilera bat egingo dute gaur goizean.
Erreskatea gauerdian amaitu da, eta Tsiprasek 29.100 milioi euroko beste bat (hirugarrena) eskatu zuen, baina Europako Finantza Egonkortasunerako Mekanismoaren bitartez, Nazioarteko Diru Funtsak (NDF) parte hartu gabe.
Gainera, gauerdia baino lehen, Atenasko Gobernuak 1.600 milioi euro itzuli behar zizkion NDFri. Erakunde horrek baieztatu egin du ez diotela ordainketa egin, eta herrialdea "berankorren zerrendan" sartu du.
"Greziak akordioa baldintzarik gabe onar lezakeen beldur delako ez du onartu proposamena Eurotaldeak", esan du Finantza Ministerioaren bozeramaileak Twitter bidez.
Jeroen Dijsselbloem Eurotaldeko presidentearen esanetan, "praktikan ezer gutxi egin dezakegu Greziako Gobernuak [referendumean] ezetzaren alde egiten jarraitzen badu. Horrenbestez, testuinguru politikoa ez da aldatu".