‘Corralito’a
Greziako bankuek itxita jarraituko dute datorren asteko amaierara arte
Agentziak | Erredakzioa
750 milioiko likidezia dute bankuek, baina astelehen gauean agortuko da. Greziako bankuek 10.000-14.000 milioi euroko birkapitalizazioa beharko dute.
Pentsiodunak ilaran Salonicako banku baten aurrean. Argazkia: EFE
Datorren astea bukatu arte itxita jarraituko dute Greziako bankuek, nahiz eta igandean Atenasen eta hartzekodunen arteko akordioa izan, bankuetako iturriek Reuters albiste-agentziari jakitera eman diotenez.
750 milioiko likidezia dute Greziako bankuek, baina astelehen gauera arte soilik iraungo du, iturrien arabera. Greziarrek egunero 80-100 milioi euro ateratzen dituzte kutxazainetatik.
Asteburuan hartzekodunekin akordio batera heldu ezkero, Greziako bankuek 10.000-14.000 milioi euroko birkapitalizazioa beharko dutela uste dute iturriek.