Eurotaldeak Greziaren hirugarren erreskatea onartu du

Euroguneko Ekonomia eta Finantza ministroek Greziaren hirugarren erreskatea onartu dute ostiral honetan. Horrenbestez, Greziak 86.000 milioi euro jasoko diru hiru urtetan.

Erreskatearen lehen ordainketa 26.000 milioikoa izango da eta bi ordainketatan zatutuko da, negoziazioko iturriek jakinarazi dutenez. Helburua, 13.000 milioi ahalik eta azkarren liberatzea da Greziak epemugak bete ahal izateko. Betebehar hauen artean garrantzitsuena, Atenasek datorren osteguna (abuztuak 20) baino lehen Europako Banku Zentralari ordaindu beharreko 3.200 milioi euroen (gehi interesak) ordainketa da.

Gainera, Europar Batasunak uztailean urgentziaz eman zizkion 7.160 milioi euroak itzilu ahalko ditu Greziak. Gainontzeko 3.000 milioi euroak Gobernuak dituen barne betebeharrak ordaintzeko erabiliko ahalko ditu; soldatak eta pentsioak adibidez. Lehen epeko 26.000 milioiko bigarren ordainketak, bankuen birkapitalizaziorako 10.000 milioi euro aurreikusten ditu.

Urrian egingo da lehen ordainketaren berrikusketa eta Eurotaldeak 15.000 milioiko bigarren ordainketa egingo du azaroaren 15ª baino lehenago. Ordainketa hau ere, bankuen birkapitalizaziorako izango da.

Erreskatea beste parlamentu batzuk onartu behar dute oraindik, baina Eurotaldeko presidenteak esan duenez, asteazkenerako dena prest egotea espero da.

Greziak euroan jarraituko duela ziurtatu du Junckerrek

Europar Batzordeko presidentea den Jean-Claude Junckerrek esan duenez, "Greziak euroan jarraituko du" Atenasek nazioarteko hartzekodunekin lortutako akordioari esker eta ostiral honetan Euroguneko Ekonomia eta Finantza ministroek onartutako hirugarren erreskateari esker.

"Grezia euroan egon da, eta egongo da akordio honi eta Euroguneko Ekonomia eta Finantza ministroen erabakiari esker", gaineratu du Europar Batzordeko presidenteak.