Parrokietan errefuxiatuen familia bat hartzea eskatu du aita santuak

Europako parrokia bakoitzean errefuxiatuen familia bat hartzeko deia egin du igande honetan Frantzisko aita santuak. Vatikanoko bi parrokiak izango dira hori egiten lehenak, aita santuak berak iragarri duenez.

"Dozenaka mila errefuxiatuk bizi duten tragediaren aurrean, horiekin bat egitera deitzen gaitu ebanjelioak'', esan du.

Horren harian, eta Jubileua gertu dagoela, Europako parrokia, komunitate erlijioso eta monasterio guztiei dei egin die errefuxiatu familia bat bertan hartzeko.

''Keinu zehatz bat da'', parrokia guztiek egin beharko luketena. Hala, Vatikanoko biak izango dira hori bideratzen lehenak, Frantziskok aurreratu duenez.