Bideo batek Bataclan diskotekatik jendea ihes egiten erakusten du

Le Monde egunkariko edizio digitalak atera duen bideo batean, Bataclan aretoko atzeko aldea ikusten da. Irudiak aretotik gertu bizi den aipatutako hedabideko kazetari batek grabatu zituen, eta hainbat eta hainbat pertsona bertatik ihes egiten eta horietako batzuk zaurituei laguntzen ikus daitezke irudiotan.

Bataclan kontzertuetarako aretoa izan da terroristen helburu nagusia Parisen izan den atentatu-oldean. Eagles of death taldea kontzertua eskaintzen ari zela, lau terrorista sartu dira, tiroka, eta bertan zeuden 100 pertsonatik gora bahitu dituzte. Hiru ordu geroago, segurtasun indarrek barrura sartzea erabaki dute, eta terroristek lehergailuak aktibatu dituzte orduan.

Poliziak hainbat bahitu askatzea lortu du, baina 100 pertsona inguru hil dira bertan.