'Panamako Paperak'
Polizia Federalak UEFAren egoitza miatu du Suitzan
AGENTZIAK | ERREDAKZIOA
Gianni Infantino FIFAko presidentea eta UEFAren zuzendaritzako kide izandakoa 'Panamako paperetan' agertzen dela ezagutu ondoren egin dute polizia-operazioa.
UEFAren Suitzako egoitza miatu dute. Argazkia: EFE
UEFAk Suitzan duen egoitza miatu du Polizia Federalak, erakunde horrek Ekuadorreko enpresa batekin egindako kontratuak topatzeko asmoz.
Gianni Infantino FIFAko presidentea eta UEFAren zuzendaritzako kide izandakoa ‘Panamako paperetan’ agertzen dela ezagutu ondoren egin dute polizia-operazioa.
UEFAk esan du eskatutako dokumentu guztiak eman dizkietela agenteei, eta ikerketan lagunduko duela iragarri du.
Suitzako Fiskaltzak ohar baten bidez azaldu duenez, telebista-eskubideak saltzerakoan UEFAk “delituzko kudeaketa” egin ahal izan duenaren susmoa dutelako agindu dute miaketa.
“Beste kasu batzuetatik eratorritako ikerketetan eta finantzazioaren azterketan oinarritzen dira gure susmoak. Gainera, azken egunotan komunikabideetan argitaratutako informazioek gure ikerketa osatzea ekarri dute”, dio oharrak ‘Panamako paperei’ aipu eginez.
Hala ere, Fiskaltzak argitu du prozesu guzti hau ez dela pertsona baten aurkakoa.
baten aurkakoa.