AEBko hauteskundeak
Hauteskundeak irabazten lagundu zion Errusiak Trumpi, CIAren arabera
Agentziak | Erredakzioa
Bere aldetik, Errusiak egindako ustezko filtrazioei buruzko goitik beherako azterketa egitea agindu du Barack Obamak.
CIAk (Inteligentzia Agentzia Zentrala) ondorioztatu duenez, Errusiak Etxe Zurirako (AEB) hauteskundeetan esku hartu zuen, Donald Trump hautagai errepublikanoaren mesedetan, The Washington Post egunkariak gaur argitaratu duenez.
Aipatu egunkaria CIAko iturrietan oinarritzen da, eta beraren arabera, Kremlinek Wikileaks erakundeari filtratu zizkion Alderdi Demokratari eta Hillary Clintonen kanpainari pirateatutako mezu elektronikoak.
"Agentziak ondorioztatu duenez, Errusiaren xedea hautagai baten alde egitea zen, hots, Trumpi hautatua izan zedila lagundu", esan dio CIAko iturriak The Washington Posti.
Trumpen trantsizio taldeak ohar bat atera du informazio horri erantzuteko asmoz, eta honako hauxe adierazi dute CIAri erreferentzia eginez: "Jende hori Sadam Huseinek suntsipen handiko armak zituela esaten zuen bera da".
"Hauteskundeak aspaldi bukatu ziren, hauteslekuetan historian izan den garaipen handienarekin. Aurrera egiteko garaia iritsi da", gaineratu dute.
Obamak ikertzeko agindu du
Bere aldetik, Errusiak egindako ustezko filtrazioei buruzko goitik beherako azterketa egitea agindu du oraindik orain AEBko presidente den Barack Obamak.
"Presidentea Inteligentziako langileei zuzendu zaie 2016ko hauteskunde-prozesuan zehar gertatu den ororen gaineko ikerketa egin dezaten", jakinarazi du Etxe Zuriak.
du Etxe Zuriak.