Gatazka
Ipar Koreak eraso bortitza iragarri du, AEBek eraso eginez gero
Agentziak | Erredakzioa
Ipar Koreako Armadak agindu du "ausardiaz" eta "errukirik gabe" erantzungo duela Ameriketako Estatu Batuen edozein "probokazioren" aurrean.
Kim Jong-un. Artxiboko argazkia: EFE
Ipar Koreako Armadak azpimarratu du “modurik bortitzenean” erantzungo diola Ameriketako Estatu Batuetako balizko eraso bati.
“Estatu Batuen eta haien menpeko indarren kontra ahalik eta modurik bortitzenean erantzungo dugu, errukirik gabe eta bizirik ateratzeko aukerarik eman gabe”, ohartarazi du Ipar Koreako Armadak, Washington eta Seulgo gobernuen arteko kolaborazioari aipu eginez.
Ildo horretan, Ipar Korearen “duintasuna eta subiranotasuna” arriskuan jar dezakeen edozein “probokazioren” aurrean “ausardiaz” erantzungo duela agindu du Armadak.
Bestalde, Donald Trumpen Gobernuak esan du Ipar Korearen mehatxuei erantzuteko aukera aztertuko dituela.