Auzitegi Gorena
Venezuelako Fiskaltza, Auzitegi Goreneko 33 epaileren izendatzeen kontra
Agentziak | Erredakzioa
Luisa Ortega Diaz fiskal nagusiaren esanetan, epaile horiek aukeratzeko prozesuak irregularrak izan ziren, eta, beraz, izendapenak baliorik gabe uzteko eskatu du.
Argazkia: EFE
Luisa Ortega Diaz Venezuelako fiskal nagusiak Auzitegi Goreneko 33 epaileren izendapenak baliorik gabe uzteko eskatu du, 2015eko abenduaren 23an horiek aukeratzeko egin zuten prozesua irregularra izan zela iritzita.
Union Radio irratian egindako elkarrizketa batean azaldu duenez, 13 epaile titularren eta 20 ordezkoren izendatzeak inpugnatuko ditu. Magistratu horiek Venezuelako Parlamentuak izendatu zituen.
"Nik ez nuen prozesu hartan parte hartu, gaizki egindakoa zela ohartu nintzelako", erantsi du. Ortegak uko egin zion izendapenen akta sinatzeari, eta horrek prozesua kolokan jartzen duela dio.