Venezuela
Antonio Ledezma oposizioko kidea kartzelatik atera du Venezuelako Gobernuak
Agentziak | Erredakzioa
Emazteak egin du iragarpena. Etxeko atxiloaldian jarraitu beharko du Ledezmak.
Your browser doesn’t support HTML5 video
Mitzy Capriles Antonio Ledezma oposizioko kidearen emazteak iragarri duenez, Caracasko alkate ohia etxean da berriro. Ledezma asteartean atxilotu zuten, eta kartzelara eraman, etxeko atxiloaldiko baldintzak urratzea egotzita. Egoera horretan jarraitu beharko du orain ere.
Caprilesek Twitter bidez egin du iragarpena, Ledezmaren kontua erabilita. "Herrialdeari jakinarazi nahi diot duela minutu batzuk Antonio etxera ekarri dutela SEBINeko agenteek, ezustean", idatzi du:
Mitzy. Informo al país que hace minutos sorpresivamente a Antonio lo trajo el SEBIN a nuestra residencia. Vuelve a la casa por cárcel.
? Antonio Ledezma (@alcaldeledezma) 4 de agosto de 2017
Mitzy Caprilesek kontatu duenez, gizona "larrituta" dago "Leopoldo ?Lopez? eta beste 600 preso politiko espetxean" daudelako oraindik. Era berean, etxetik eraman zutenetik "Venezuelako herriak eta nazioarteak erakutsitako kezka eta elkartasuna" eskertu ditu.
Asanblea Nazional Konstituziogilea osatuko duten egunean askatu du Venezuelako Gobernuak Ledezma.
Caracasko alkate ohia eta Leopoldo Lopez oposizioaren burua astearte goizaldean atxilotu zituzten, eta Ramo Verde kartzelara eraman. Han dute oraindik Lopez.
Leopoldo Lopez atxilotu zutenean grabatutako irudiak:
Poliziak horiek eraman eta ordu batzuetara Venezuelako Auzitegi Gorenak argitu zuenez, etxeko atxiloaldia betetzeko ezarritako baldintzak urratzeagatik atxilotu zituzten biak.