Mehatxu berriak
Katia eta Jose ekaitzak urakan bihurtu dira; hiru daude jada Atlantikoan
agentziak | erredakzioa
Katia Mexikoko golkoko hego-ekialdean sortu da eta alerta piztu du Veracruzen. Jose Atlantikoko uretan dago eta baliteke Harveyren bideari jarraitzea.
Hiru urakanak gaur, aldi berean, Atlantikoan. Argazkia: NHC
Jose eta Katia ekaitz tropikalak 1. mailako urakan bihurtu dira gaur, osteguna, Atlantikoan, eta Irma urakan indartsuari gehitu zaizkio, AEBko Urakanen Zentro Nazionalak (NHC) jakinarazi duenez.
Jose Atlantikoko uretan dago eta baliteke Harveyren bideari jarraituz Kariberantz abiatzea. Katia, aldiz, Mexikoko golkoan sortu da, hego-mendebaldean.
NHCko adituen arabera, Jose mendebalde ipar-mendebaldera abiatuko da, Antilla Txikietarantz, Irmak azken orduotan astindu dituen ingururantz. Orduko 120 kilometroko abiadura duten haizeak ditu jada.
Hurricane #Katia Advisory 7: Hurricane Warning Issued For Katia in the State of Veracruz. https://t.co/VqHn0uj6EM
— NHC Atlantic Ops (@NHC_Atlantic) 7 de septiembre de 2017
Josek bezalaxe, Katiak ere 120 km/h-ko haizeak ditu; hori dela eta, Veracruz estatu mexikarra alerta egoeran dago, Txpanetik Laguna Verderaino.
Urakan bi horiek Irmari gehitu zaizkio, eta, ondorioz, aldi berean hiru urakan daude orain Atlantikoan. Irma orain arte Atlantikoan erregistratu duten urakanik handiena da.
Actualización, tenemos tres huracanes en el Caribe Katia, Irma y José. GOES/IR 20:15UTC pic.twitter.com/oxJetUso8E
— SERVIR CATHALAC (@servir_nasa) 6 de septiembre de 2017