'Nate' AEBra iritsi da, 1 kategoriadun urakan gisa

'Nate' ekaitz tropikalak indarra hartu du azken orduetan eta, 1 kategoriadun urakan bihurtuta, AEBko kostaldera iritsi da.

136 km/h-rainoko haize-ufadekin sartu da urakana Mississippi ibaiaren bokaletik gertu, Mississippi ibaiaren bokaletik, Urakanen Zentro Nazionalak jakitera eman uenez.

Aurreikuspenen arabera, Mississippi, Alabama eta Tennessee eskualdetan egingo du aurrera.

'Nate'k jada gutxienez 27 hildako eta milaka kaltetu utzi ditu Costa Rican eta Nikaraguan.

Costa Rica eta Nikaragua

Costa Ricako Gobernuak larrialdi-egoera ezarri du, hondamendi natural horren ondorioz, gutxienez 11 lagun hil baitira eta milaka kaltedun utzi baititu herrialdean.

'Nate' ekaitzak kalte material ugari eragin ditu Hegoamerikan. Argazkia: EFE

Bestalde, Nikaraguan ekaitzak gutxienez 16 hildako eragin ditu, eta pertsona bat desagertuta dago, Gobernuak jakinarazi duenez.

Gainera, 3.759 familia kaltedun daude (14.262 lagun), Nikaraguako 153 udalerrietatik 58tan. Azpiegituretan ere kalte material handiak izan dira, hala nola, hornidura elektrikoan eta edateko ur-zerbitzuan.